*تفوه عليك* ..موش انا اللي قلت

انا شغــال وديـــما عـــلى النـــــــت
في النت نصيـــــب ونلقى راحتــــي

النت كان تبغي الصـــــح هي النــت..
في مكانة الروح وهــــي وسيلتــــــي

لا تظنـــي كرهتك فيــــك شمـــــــت
طبيعة النســـــا ما هيــش طبيعتـي

*تفوه عليك* مـــوش انا اللي قلت
كـــــان غرك صاحبك انـت ضحيـتي

لوجه الله نوصيك: عليك غـــــــرت
خليــــــك امــراة..خليـك بنيتــــــــي

نعرف الحب مـــا هوش زفـــــــت
ماهوش كلام في كلام يــــا حبيبتـي

الحب في رضايــــة الله بيه فــــزت
من قبل ما نغيـب خــــذي وصيتــي

الرجال تقابل الرجال هــــكذاعرفت
ونظنك عرفت واش)ن(هي قصتي

قدامك اشحال من واحـــــد ضربـت
عفريت أنـــا لا من يحوم جيهتـــي

لغة الغرب انــــا قريــت وفهمــــت
وما رايح نحيد شعره عـن طريقتي

اناعلى صواب: عمـري ولاخنـــــت
ومحال في يوم نخـــــون أمتــــــــي

يمكن نكون قاســــي فيما كتبـــــــت
لومــا الحــب ما كـــانت ليعتــــــــي

لوما الحب كنــــت أنـــاي سكــــــت
والله ..والله..ما ننسـى دم خاوتــــي

صدام..عد على الناس كيف خرجت؟
من كـان معاك؟..الباقي من مهمتـي