مجموعة شعرية*من مشاركاتي باسير الشوق*3**

عارف يا حبيبتي تبغي نكون هانـــي http://www.ss14.com/vb/showthread.php?t=3417
________________________________________
جاءني ليلا والدموع تملآ عينيه..من اول وهلة عرفت انها دموع الفرحة..هنأته وفسحت له المجال ليروي لي جديده..كنت اعرف انه استخدم الحرز الاخير لانه كان من متتبعي اخباري الادبية والسياسية..وما ان انصرف حتى وجدتني مطالبا بتقديم وصفة للحالة قد تكون ذات منفعة عامة..اليكم هذا الحرز الربيعي/

حتى وانـــا في الطـــــريق نمشـــــي
حبيبتي نحـــس بيك بيــــن احضـاني

نحس بيك دمي في دمـــي تخشــي
حبيبتي....انـــت روحــــي واعيانــــي

حبيبتي..حبيبتـــي حــــبك يرشـــــي
حبيبتي..حبيبتـــي حبـــك احيانـــــي

راســـك على صدري البرد يفشـــي
غمضـــي عينيك راك في كيانـــــي

حبيبتي..انا معــــاك لحين نعشـــــي
حبيبتي ريقي جف وحبس لســــاني

حبيبتي محتاج لك في كـل شـــــــي
حبيبتــي راني الأن في عالم ثانـــي

حبيبتي ضميني ليــك ولا طفشــي
عارف يا حبيبتي تبغي نكون هانـــي
عيب وعــــــار
http://www.ss14.com/vb/showthread.php?p=20934
________________________________________
ضاقت نفسي كانت في رحابة الكــــــون
والله ضاق الجلد عن لحمي وعظـــــــــام

صاحب القلب يموت من غيضه مغبون
واش بقــى يعجـب من سنين وأعـــــــوام؟

كل نهــار يجــي نقول اليوم نكــــــــون
نقــول اليوم نفيــــــق ونمشــي للقـــــدام

قداش من مــــرة صالحنا صهيــــــــــون
واشحال من تطبيع ؟ وين هو الســـــــــلام؟

كفر الشيخ جمع غير اصحاب بطــــــــون
والقمات امضـــــات مجــــــرد كـــــــــلام

شوف الشيخ *عباس* كيف امسى مفتون
يحضن ويقبـــل...عافتها الافـــــــــــــوام

غزة باع وشـــرا...على الكرسي مجنون
عليها اعلن الحــــرب..ليش نلوم اقــوام؟

اذا كان الخــو ديما لخـــوه يخــــــــــون
من حق العديـــــان يحلو لها انتقــــــــام

شوف الرسومـات وابحث في الفنــون
تصيب قيم واخلاق بالمقلوب تمــــــــــام

يظهر بين العرب وبيـــ(ن)نا بون وبون
والله عيب وعـــــــار نذبح زي انعــــــــــام
كــــــــــل شـــــــئ عندي شغــــــــــال http://www.ss14.com/vb/showthread.php?p=7791
________________________________________
كــــــــــل شـــــــئ عندي شغــــــــــال
وتقليد فــــــــــي تقليـــــــد ســلاحـــي

واش غــــــــــادي ينفـــــع يارجـــــــال
علمكم قـــدام جهلــــــــــي وجيـاحــي؟

تظنوا الحذف يجــــــــــدي ؟محـــــــال
ما دامني اليوم عرفت صــــــــــلاحــي

الــFlash diskاسمـــــــــــه زلــــزال
اليوم فقت قبـــل طلـــوع صباحـــــــــي

كان فتحــــــه ما يجــــــي ولو بتطوال
كان صعـب نخش مرة لمراحــــــــــــي

غيرت الاسم..هـــــــــــاو ذروك اسهال
هاو نقــــراه بــــــــــــلا مفتـــــــاحــي

ما عليهش الحـــــــــــــوار كـــا ن زال
هكذا تزيد ريشــــــــــــة في جناحـــي

الناس واش سعـــــداوي قــــــــــــــــال
سمعت وقــــــــــــرات..خيرة وارواحي

عن قريب بـــــــــوش يخطف الاغــوال
ويهز الاكبار... هاتوا مرباحــــــــــــــي

بوضياف قتلتوه؟الشاذلـــــــــــي انقال؟
هاتوا المفقودين لا نهزكــم برياحــــي

لاهاي وجنيف بدات عنكـــــــــــم تسـال
اللي زيكـم مــــــا يكون هـو مصباحـي

بزاف..بزاف وكثيـــــــــــر التقتـــــــال
راس المـــــــــــال راح ومعاه ارباحــي

الاحداش) 11 (مــــــــــــا نحبها تنقـال
ما نيش برنوس انـــــــــــا بنجاحـــــــي

I ordre you to امشيوا قبـــــــــــال
D’ont forget instruction أحـــــــــــي

لا تندم على حب عشته
.... http://www.ss14.com/vb/showthread.php?p=7970


اقتباس:






فالحب اخلاق قبل ان يكون مشاعر





نعم ..هو كذلك
مشكورة على النقل وانا تعلمت اليوم منك الكثير...دعيني اقول التو/


لا تندم على حــب عشت ولا تقول فات
الحب ما يمــــوت ما دامت الروح فينـــا

يمكن الزمـان غدار..يمكن الاقـدار قسات
يمكن الفراق يجي واحنــــــا ما بغينــــــا

والله الفراق في القلـــب يزيد لوعـــات
في الفراق سال نفسك ياما تلاقينــــــــــا
لوتكوني غلطت
http://www.ss14.com/vb/showthread.php?t=3357
________________________________________
حكى لي صديقي قال /
تغيبت عنها لاسباب قاهرة..قالت وقد سلمت عليها/
واش هذي الغيبة؟ما غلطناش في حقك؟
قلت/حاشا
ولماكان طلب مني حرزا..اعني شيء من الشعر في المناسبة
جاءت هذه الابيات .

ولو تكوني غلطت..انـــــا الغلطــــــــان
حقك عـلـــــــى عينــــي وراســـــــــــي

لاتظني في يوم يغرنـي الزمــــــــــــــان
وموش ممكن نكون لك ناســــــــــــي

يكفيك مشغول بيك.......ولهـــــــــــــــان
يكفيك في غيابي كنـــــــت نقاســــــــــي

معزتك ما تنقــــــــاس بميـــــــــــــــزان
انت العـــز وانـت اهلــــــــي وناســــــي

انت يا امــــراة الحب فيه غـــــــرقـــان
انت البحـــر وانا السفين بيـــــــه راس

الاربعاء والخميس غبت...سالي المكان
سالي الايام ما صبت كيف نواســــــــي

خبيت لك في الجيب حاجات نســــــوان
لكن الحظ خانني وما وفى لاحساســــي
من تعليقاتي والاقتباسات*مقطوعة شعبية* http://www.ss14.com/vb/showthread.php?p=13401
________________________________________
وإذ عدت الى القصيدة بليالي الود
هذا اقتباس منها موقوف على شرط الذوق والموافقة


صـــــح وصواب المفارق ضيقة وحيـــــــــرة
وصـــــح لقلوب عند بعضها اول وثانــــــــي

صح الحب الأول ما يموت .. وما يجي غيرة
لكن من الحـب مايغلب للحب..في ثوانـي

موش كل حب حب..كل حب لو*ه* تأثيره
أنا شفت وريـــت في الحب عـديانـي

خارج ليالي الود..اطويت الدرب ومشاويره
وفي الاخر أنا بقيت غريب وحدانــي

انا اليوم نحكي..موش قصدي نجيب سيره
والله الجرح يأخذ هيبته من هيبة الجانـي

من شعبيات العم ربيع
http://www.ss14.com/vb/showthread.php?p=14279
________________________________________
حطمنا الاقام ديما مغلوبين
هم الزمان صعيب يا ما شيب راس
طيح وهبط بارجال ونساويـــــــــــن

من المقهي للسوق والحديث قياس
غير نكالي حيوط هذي اعوام وسنين

كيف الربح يجي ونعيشوا لاباس ?
ووقتاش رايح نفيق ?زعمة مسلمين

دم الشهدا اعلاش اليوم ارخاس?
عيب علينا وعار ننسى للوالدين

واش قيمة مفام بلا ســــــــــــــــاس
عمره الشكل اغنى للي وحهه شين

شعبنا معروف يا ذل اجنـــــــــــــاس
ركع لفرنسا قبل الوقت يحيـــــــن

واش اللي خلاه لا هرواة لافاس?
ما يعرف كيفاش قوته يجيب ومنين?

قريب لعشر سنين قطعنا منه الياس
يمشي على كرشه كيف لحنش مسكين

حشمتك بالله كاشمة معاك اقراص?
كاشمة سيروات تنفع مغبونيـــــــن?

نصلي في رمضان نبركه كي يخلاص
وبعد الحج نهج نولي شياطيــــــــــن

هاك تشوف في الدم وتشوف الاحباس
منين رايحين احنا نغرق للوذنيـــــــن

يا ما صالونات فيها ندير اعـــــــــــراس
جتى اللي ما امشاو صاروا شطاحين

ورا كورتاج كورتاج وغير الميسيداس
نجري ورا لبنات بيهم مشغوليــــــن

في السرقة وles blagues والله نجيب الكاس
حطمنا الاقام ديما مغلوبيــــــــــــــــــن
*********************************************
خطوة..خطوة
خطوة..خطوة احنا نمشي للقدام
لشمال ويمين تدي فينا الريــــــح

ما يخفاش عليك هذي سنين واعوام
عمرنا ميزنا بين مليح وقبيــــــــــــح

ما عرفنا لحلال..ما عرفنا لحرام
حتى الشيخ اليوم عاد مسكين يجيح

في رمضان نصوم نصلي ورا الامام
وقبل العيد ندير من الصلاة ذبيــــح

يوم الوقوف هناك نسبق للاقوام
نشبك بالكعبة...نبكي حتى نطيح

بصح غيبر نرجع ندخل في تحرام
نتعرى من مخيط راه كلامي صحيح

حشمتك بالله تفسر لي الاحلام
وتفتي لي ولو على دين المسيح

واش من جنس احنا?ما نا من الانعام
ما نا كالجماد عن طبعه ما يميـــــح

زعمة متقدمبن?فينا غير الافــــوام
واش قدمنا تراش هاو الوطن جريح?

اشكون اسباب الدا تفشى في العظام?
وكبف امسينا القتل ليل نهار نبيح?

مرت خمس سنين بكمالها وتمام
نشيع للموتى يا خسارة بشطيح
******************************************
ابكي ياعيني
شعبنا معروف خالق معجزات
واش اللي خلاه يستورد الابره?

ياخي الاستقلال جبنا بارادات
وخرجنا العديان...ذوك الكفرة ?

ياخي زعمة احنا علينا رايات
وقداش من مصنع وضعنا له حجرة?

قداش للعلوم بنينا جامعات?
وقداش بالدفيز سلكنا دكاتره?

ابكي ياعيني وجودي بالدمعات
ما يخفاش عليك..راني في حسرة

من ايام طوال قولي سنوات
مالكني التخمام وعايش في حيره

من يخدم لبلاد?يزي شعارات
ياك اللي جيعان ما يبغي هدره?

يزينا تسفسيط والمعيشة غلات?
يزينا تنفيق وغدره على غدره

كذاب من يقول درنا اصلاحات
سياسة فرق ظهرت مره اخرى

وكثرة الاحزاب ما تنفع..هيهات
يغرق البابور رياسه عشره

كثرة الاحزاب ما عندها باه جات
ولا دارت حاجة تنال بيها شهره

منذ اكتوبر واحنا في غصات
وبالعينين نشوف مناكر حمرا

من نبش القبور لحرق الوزنوات
ومن اضراب لاضراب على حساب الكسره

كل من هب ودب يحظى بموافقات
وما عليهش يحون ما يعرف يقرا

ما عليهش يخدم جهة من جهات
والا كان قومي ايام الثــــــــــوره

ما عليهش اذا جانا بفلسفات
قورباتشوف اليوم منها يتبرا
***********************************
لبلاد راهي خلات هذا ماوش كذب
يا سايلني واش تبغيني نقــــــــــول
ما ناش مسلمين وما بقيناش اعرب

افتح عينك شوف تلقانا بذيول
طوالو و\نينا وفي اخر الركب

تلقانا ناسيين لارواحنا على طول
ومتعودين اشحال حاجة تجيب السب

سباقين في اشطيح والضرب على طبول
وفي les blagues احنا عندك ما تحسب

على كروشنا نجري/شبابنا وكهول
ما نعد للطيحات وبهادل نكسب

في السرقة قداش جبنا من اصول
واشحال من مبدا عنه عجز الغرب

بالك يخدعك الكلام المعسول
لبلاد راهي خلات هذا ماوش كذب
هاجـــر....فيك خصلات يهود و http://www.ss14.com/vb/showthread.php?p=9736.....
________________________________________
هاجر ..كيف الحال يا بنيت النـــــاس
مدير موقع البواسلhttp://www.ss14.com/vb/showthread.php?p=9515
شويت برمجــــة..باغي نتعلـــــــــــم

ما نكذبش عليك..في قلبي والــــــــراس
انت في كرشي..في لحمي والـــــــــدم

هيا قربـــي تراش وهاتي لي ذا الكــاس
اناي عطشـــــان ما بقى ريقي بفــــــم

زينك يا طفله يشيب للــفرطـــــــــــاس
شوفـي وراك رجال واحد ما يـــزدم

واش رايك في زواج؟شاوري للعسـاس
شاوري لبوك وخوك..شاوري لولد العم

أنا راني بغيت....مالكني الوســـــــواس
ليل نهــار مشغول..بيك أنت نحلـــــم

فيك خصلات يهود..ما يحوي كــــراس
فيك ملامح بوش من راسك لقــــــــدم

نترجاك توافقي ياك انـــــــــا تــــراس
صح أنا قليـــل عمره قرا ولا فهـــــم

deffaut في بارك ما نخدمش ارياس
ما يغيضكش الحال راهم مثل البهــــم

شوفي استخدموك...ياك الحديث قياس
غــروا بيك انـت وما اعطاولك درهم

واش ينفع دينــار في الاسواق ارخاس
خبي للدولار في جيابك والكـــــــــــم
ويل الخنـــازير........ http://www.ss14.com/vb/showthread.php?p=9020&posted=1
________________________________________
كنت وعدت صاحب قصيدة سامي انني ساعود ها انا اكتب الى سامي من الجزائر

سامي صباح الخير يا صاحب همــــــــه
صح السجن صعيـب لكن فيه الخيــــــــر

تعــــــرف راك الرمز..آيـــة من السمـــآ
انـــــــــت لعنة اليوم لكبيـــرهم وصغير

كل النــــــاس تسال :واين هي القمــــة؟
وين اصحاب كروش؟يــاما سمعنا شخير

كل واحد يقول..فياقة وفهـــــــــــامــة...
والله نشوف الكذب على العكازة يسيـــر

شوف اجتمعوا تراش وابحث عن حكمه
ندد.. نستنكــــر..مهما كان ويصيــــــر

سي موسى معروف ما عنده كلمـــه..
هو وزعمــــاء مــن باعوا المصيـــــر

عملاء صهيــون عاثـــوا في الامـــــه
يدعون اصـــلاح ..لازم التغييــــــــــــر

ما تحملش الحقد ...وخلي للبسمـــه
يمكن بعض يتوب وما يبقاش بعيــــــر

انا معاك ووراك عـــارف التهمــــــــه...
عارف كيف نغتـــال..ويل الخنازيــــــر
جاءت في التعليق ا http://www.ss14.com/vb/showthread.php?p=17766&posted=1
استشهاد القائد الحاج عماد مغنية (رضوان
لآن مثل هذا الاغتيال يصلح شهادة..الله يرحم الرجل وينزله منزلا يرضاه

الظل للظــل يمكن يكـــــــــون صـــــــوره
كيف حاله والظــل مــــــــــا فيه حيــاة؟

آوي الحب...شوف نيــــــــــرانه مسعوره
مساكين رجالنــــا اليـــــــــوم و بنـــــــات

من كان يظن الامــــــــــة تصير مقهـوره؟
من الشرق للغـــــــــرب نعيش ويــــــلات

آوي الحب....خدايعنا فيــــــــه مشهــوره
من الف ليلة وليله عندنا فيــــــــه قصات

والله هنا نشوف يامـــــــــا خيانة مذكوره
ذر لرماد في العيـــــــن؟ شطحـــــــــات؟

لا..لا الصـــــح ينقـال والحال مستوره
كيف والحال الحبل في رقاب ســــــادات

حتــى الطبــول هــاي ذروك مقعــــورة
يا صاحبي اشرح لي هذا الاصــــــوات/

دف..طــــــب....بز..هز..مــز...كــــوره
جيت..ما...طــــــــي...أح...جــــــــــــات

مسكين الحــــــــب...ولبنــات معـــــذوره
صـــــــح بعض البعض جيابو تمـــــلات

صح خــــــــداعين كبــار بناو قصـــوره
صح كـــــــان ليهم على النـــاس جــولات

هـــــــاو الزمــان دار.. الذيابة مـذعــــوره
لا تسالني على قرودة كيف امســـــات؟

السيد بوش يهنيك رهبـــــت ذكـــوره
يستاهلوا الشنـق ودفيــع الفاتـــــورات

خلي حبل صدام..حبل التكريتي لنموره
كل شيء الهداهد تجيب لك في ساعات
يا بنت النــــــــاس
............. http://www.ss14.com/vb/showthread.php?p=16411
________________________________________
من يسمـــــع ممكــــن يقول : صـــــــــح
واللي يجس القــــــلب يلقــــــــــاه خــــــاوي

ما عليهش القرد مـــــــع الذيب يشطـــــــــح
وما عليهش نشوف بالعيــــــن بـــــــــلاوي

بــــوش كل مسا وصبــــــاح ينطـــــــــح
كل مسا وصبــــــاح لرجالنا يـــــــــداوي

مرة بالشنق ومرات بالمــــوس يذبـــــــح
واذا ضرب يضـــــرب ارضي وسماوي

ما اعجب هذا الــــــزمان مليان فضايح
واحنا ورا الكـــــورة في قهـــــــــــــاوي

كثيرنا في الحـــــب غرقان جايـــــــــــح
بحسب روحه قيس..لا قلب لا كــــلاوي

شوف الغدر..شوف الخديعة..وين رايح؟
يا بنت الناس لا يغرك بخور وجــــاوي

موش كل من يلبس سروال عريبي قــح
وموش كل من يقول بالفم للخير نـــاوي

باسم الله..باسم الوطن ..يا ما خاين نجح
يا ويل الحب منـــا...رجال ونســـــــاوي

شلغوم العيد في يوم10/02/2008
ياه على الحب يرشــــي ويحيي عظــــــــامي..ما فيش سياسة
http://www.ss14.com/vb/showthread.php?p=22607
________________________________________
bفي عينك الحب في عرض الكـــون وطــــــول
ياه على الحب يرشــــي ويحيي عظــــــــامي

نسـألك باللـــه يا امرأه كيف صرت مقتــــول؟
واش(ن) هــــي اسبـــاب ضعفي وهيامــــــــي؟

قبل نلقـــاك كنـــت فارس نصــــول ونجول..
شوفي اليوم تهــــت في يقظتـــي ومنـــــــامــي

لو الحب كان راجــل عندي ما نقـــــــــول
لكن الحب حـــب فوق كل وصف قدامـــــــــــي

واش رايك في؟عاقل انا؟ مهبـــــــــــــول؟
مثـــل النــــاس يا ترى في الحب وغرامــــــي؟

لا يهمك رايي فيك..شهور وفصـــــــــول
المية انت..وأنت العز لي بين اقوامـــــــــــــــي

معزتك فوق راسي يوم نركب الخـــيول
ما نفرط فيك...ولد ناس ما نيش حرامـــــــــــي

خايف نسميك عبيــر الحديث يطـــــــول
خايف (ن)ناديك بالاســم مــا يوفي سلامـــــــي

خايف نقول*سوســـو* يقولوا بهلــــــول
هذا الاسم يدل على انه ظــــــــــــــــــــــلامـــي

دلوووووعتـــي اذا في يوم جاك مرســول
لا تظنــي كنت ناسيك يا خير الاسامــــــــــــــي

يا زهرتــي...يا دمعتــي نعرف اهلك فحول
أنا وانت من دار واحدة.. سولي على اعمامــي

أيام وندير عرس..موش بابواق وطبول
عرسنـــا يدوم ما دامت سنيني واعوامــــــــي

الملاحظة/
هي خارج مجال التغطية..هي هن
http://www.ss14.com/vb/showthread.php?p=5636
المشاركة/سجل حضورك بقصيدة
أنا تايه بحـق. يا نـــاس غلطان
انا في الحب موش كيف غيري

اعرف سوق النســــــــاء مزيـــان
واعرف وين ندير و نحـــــط خيري

يقول الشاعر: ذاك كـــــان زمـان
يا ريتــه ماراح ومشــــى بكيري

عيش تشوف وتسمع يافلان...
يا بنت النــــــاس لاه تغيـــــري؟

سيدنا الكبير عــــــاد شيطـــان
كيف سيدنا كونـــي وديـــــــري

ما بافهم في الشعـر عنـــــــوان
ولا عندي راي فــــــــي شعيـري

أنا افهم بـــــس أني انســـــــان
من طين وتراب هين..جيــــــري

لوما سياسة الحميركانت الاوطـان
جنة ..توكل على اللــــه يا بعيري

من انتاج محطتنا 2007

مااعرفش كيف امرأة تعشق أمـــــرأة ؟
وكيف النشوة تجي وتحلالها عشــره؟

ما اعـــرفش كان الرجال متحضــــرة
والا جديد الثوريحلــــب كي البقـــــره

اشنوا الحب؟ كواهم مساكين بجمـــره
بحر الحب صعيب..علاش ها الغدره؟

يظهر نشوف بعين..ما نعرف نقــــرأ
يظهر انـــا اعمى..ها ي عيني حمراء

لالة فاطيمة...قولي يا حــــــــــــــــره
*فدوى المغربية*
ما تبكيــش عليه..راســه في حفــــــره

ساركوزي كي فات من اول مــــــره
ياك اوصاه بالخيـــر..نظرة ورا نظره

قالوا اسال عليـه يتبــع في الجــــــره
لازم *بن باركة* نشوفه ونـــــــرى

بن باركة مقتــــــول..يلزمنا الخبره
هذي بعض الاسماء من هذي الدشرة