موقع ربيع سعداوي*فضائح بالجملة والتقسيط
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مجموعة شعرية*من مشاركاتي باسير الشوق*2**

اذهب الى الأسفل

مجموعة شعرية*من مشاركاتي باسير الشوق*2** Empty مجموعة شعرية*من مشاركاتي باسير الشوق*2**

مُساهمة  ربيع سعداوي الخميس مايو 22, 2008 9:49 am

الله....اشحال العتاب يداوي

الله.. اشحال العتـــــاب يـــــداوي
وياكم مريض يــــشفي وجـــريح

الدنيا ملــــيانة بـــــــــــلاوي
و كم واحد فـــــي البــير يطيح

لا تكفر خــــوك سعــــــــداوي
لا تــقول عــني فتـــان قبيـــــح

يمكـــن كلامي ماوش سماوي
لكـــــن نظن كلامـي مليــــــح

بوش ..اشكون جرايمه يلاوي؟
من يقبل ويرضى بهذا الشطيح؟

جرايم وليداته:خاوي بن خاوي
حكامنا كــلاب حتى في النبيح

شوف الاسم ماخوذ من الزرقاوي
سمير مصعب..من غير توضيح ***

واش تبغي نقول عن مـــالاوي..
نجيب اسم غيرالاسم الصحيح؟

الدين سياسة موش بخور وجاوي
الدين صح موش شتم وتجريح

الدين ماهوش نبيع الكـــــــلاوي
ماهوش نسمح في عرضنا ونبيح

شلغوم العيد في يوم 28/04/2007

*** السلطات الامنية الجزائرية اعلنت عن مقتل من اسمته سمير مصعب على حد تعبيرها
قيادي في القاعدة بالمغرب..

*** المقطوعة كانت ردا بالموقع الاسلامي للبرمجة
**********************************************

اللهم اهدنا واهد بنا

قد تكون هذه الابيات فيه قسوة..انها قسوة من يحب
من الخطا نتعلم..والعصمة لله وحده
لنلعن الشيطان...الامة لا تجتمع على ضلال
في الردود على كثيري.نت

انت ودرت علي?افهمت كنت مقصود?
واش نسيت شهادتك في السابق ليا

ما زلت قري...الطريق مازال ممدود..
ما تنفعك روحك..لا هذا الشيخ البلية

سبق السيف العدل...اولاد عمامك شهود
تعيش تحت رجلي ما طالت الدنيا

النمشي?تعرفني ..تعرف افضالي والجود
تعرف لساني وكيف انظاف يديا

الحق مر...خليك مع الحريم قعود
موت بالغيض... شوفي شغلك انتي
حط رجليـــك واطلب يا سـتــــــار http://www.ss14.com/vb/showthread.php?p=9735
________________________________________


اللي يعرف اللعــــب ما يخافش اللعـــب
ما ينفعش الضراط...يا السادة الاكبــــار


ساروي لكم قصة طريفة/
يروى ان رجلا مرضت زوجته..دار الواجب..كان واقف بجنبها وهي تحتضر
من رهبة الموت *ضرط*اي خرجت الريح من دبره مع ذاك الصوت القبيح
فابتسمت الزوجة..فرح المسكين بابتسامتها ..لكن ما هي الا لحظات حتى لفظت الانفاس الاخيرة
هنا قال/
الضراط ما يسلك من الموت..
ولصبح مثلا يجري على الالسنة

وانت يا جمـــال واش باغي تحطــــب؟
فايق انت زعمة؟هاك شويت اخبـــــــار

باسم الله تكتب . ..نعرف واش تحــــب
ماو ش للبنـــــــــــاء تعمل ليل نهـــار

دعوتك كي جات..ما تحملش الحــــب
تبغي نكون معاك؟أنا ماوش حمــــــار

القارئ يرى وانك انت من طلب رأيي في كتاباتك الاسلامية*شكلا*
تطلب زيارتي..سواء وسواء وأبو عثمان عام عام بمنتديات الجلفة..
التاريخ يعيد نفسه..نفس الطبخة

رايك يا هذا ما يلزمش الكلـــــــــــــب
كيف تلزمنا بيه؟ عيب عليك وعـــــار

يوم ردي تأخــر..ماوش بــــلا سبـــب
نعرف واش ندير..*بدون تعليق *فنـار

القاري راه يشوف وعنده ما يحســـب
احكم في *الرافضة*واعزف بالاشعار

شاور رجال معاك..عندك لا تهــــرب
والا حط رجليـــك واطلب يا سـتــــــار


عندك قناعات؟يزيكم من كــــــــــذب
زي ما فقت انـــا فـاقوا اولاد صغــــار

زيدوا احذفوا...ما عليهش العطـــــب
أنا ضـــد نظــــام يلعب هو بالنـــــــار

لتكن هذه المشاركة سرا قبل ان يغامر في منازلتي...
اليوم يخضرني الحديث/من ستر مسلما في الدنيا ستره الله
دمعة الشوق..يا امرأة ديري الحنــــــه http://www.ss14.com/vb/showthread.php?p=33238
________________________________________
قاسية حبيبتي..لكن في القسوة بنــــــــه
يـــــــــــــا حبيبتي زيديني شوق وهاتي

حبيبتي.. انت القلب مانيش نتمنـــــــــى
اللعنـــة على الحب لو ما يكونش عاتـي

غلطــان من يطمـــع في دنيا تفنـــــــــى
نقول لك الصح /مليحة..مليحة لوعاتــي

شوفي ادركت اشحـال من معنـــــــــــى
فيك زلزلــــــــزت الارض بقصيداتــــي

دمعة الشوق..يا امرأة ديري الحنــــــه
يا بنت النـــاس تابعي قصـــــــــاتــــــي

العم موش غريب عليك يتغنـــــــــــــى
الصادق انا..والرجال ترهب وقفاتــــي

Algeria-tody تمر اليوم بمحنـــه
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
اشكون يصنع الحياة؟قولوا وليداتــــي

انا ماشي لـ*نوبل* نقول له يتهنــــــى
Google search يخليني en ligne directe
لازم يلغي الترشيح ..لازم ننظر للآتــي

من اللعب بالعهدة الثالثة الى اللعب بجائزة نوبل
زعمة مسلمين؟
http://www.ss14.com/vb/showthread.php?p=4052
________________________________________
خطوة...خطوة احنا نمشي للقـــــــدام
لشمال ويمين تدي فينــــــا الريــــــح

ما يخفاش عليك هذي سنين واعوام
عمرنــا ميزنا بين قبيح ومليـــــح

ما عرفنـــا لحــلال ما عرفنـــا لحرام
حتى الشيخ اليوم عاد مسكين يجيــــح

في رمضان نصوم ..نصلي ورا الامام
وقبل العيد ندير من الصلاة ذبيــــــح

يوم لوقوف هناك نسبق للآقــــــــوام
نشبك بالكعبة....نبكي حتى نطيـــــح

بصح غير نرجع ندخل في تحــرام
نتعرى من مخيط..راه كلامي صحيح

حشمتك بالله تفسر لي الاحــــــلام
وتفتي لي ولـــــو على دين المسيح

واش من جنس احنا؟ مانا من الانعام
ما نا كالجمــاد عن طبعه ما يميــح

زعمة مسلميــن؟ فينا غير الافــــوام
واش قدمنا تراش ها هو الوطن جريح

اشكون اسباب الداء تفشـــى في لعظام؟
وكيف امسينا القتل ليل نهار نبيــــــح؟

مرت سنــــــوات بكمالها وتمــــــأم
نشيع للموتى..يا خسارة بشطيــــح
نبقى مع الشعبي وهذه المرة مع/زواج المتعة قره صاحب http://www.ss14.com/vb/showthread.php?p=4052
في نفس المشاركة

يا رب ياكــــــــــــــريم تعلـــــم ما بيــــا
نشكي ضري ليك عارف انت رحمـــــان

عمري ولا حبيت في هــــــذا الدنيــــــا
وكي حبيت حصدت لرمـــاد ودخـــــــان

شفت السما نقطة وريتها بعينــــــــي
وضاقت الارض اعيات عن همي واحزان

وين حمامتي اللي ربيت بيديــــــــا؟
غير بتت للريش قالت : في الامــــــان

يا درى تتفكر الايــــــام بهيــــــــــــــــه؟
للورد والياسمين يفرش كل مكــــــان؟

يا درى رتهي بخير صدت علــــــيــــــا؟
من يدي لها سلامـــي أنا خوكم غلبان

ما تعرقش اصلاحها..معذورة هيـــــــــــا
هذا الزمان يغر لرجـــــــــــــال ونســـوان

كي كثرت الاحزاب واضحة لقصيـــــــه
ويكفي ما بنيناه هاهو راب الآن

جدي الريم ينباع بسومة دونيـــــــــه
والراجل ما بقاش يسوى من زمــــان

واش غادي نعمل يا سامع ليـــــــــا؟
واش تبغيني نقول؟والله حيـــــــــران

كان تحب تعيش حاجتك مقضيــــــه
صفق...صفق...زيد ارقص في الميدان

خلط وجلط..وكعبر شويـــــــــــــــــــه
وامشي على كرشك هكذا رايح تبان

هف وسف وقول: ديمقـــــــــــــراطيه
واحلف باش تموت وانتاي تخمـــــان

لا تحسب للغار وازرب يا خويـــــــــــــا
قبل يفوت الحال وما تصيبش لتــران

قدامك فرصة وساعة مواتيــــــــــــــــه
افتح عينك شوف وين عاد الجيــــــران

هذي حضار وموضة عصريـــــــــــــــــــه
هذا زهو كبير ينســــــــي في الامحان

هذا تقدم.....وهـــــــــذي حريــــــــــه
مفروشة البيوت ..مفتوحة البيبـــــان

a votre sente الكبــــدة مشويـــــــه
I love you today....I love you again

خمسة الاف واحدة وغير المصريـــــــه
زواج المتعــــة قره صاحب شـــــــان

حرب الخليج الاولى وتمتع الامريكان ببنات العرب وقد قدمت باوامر رئاسية..لعمالة النظام وليس الشعب
عادي نحـــب..لكن موش عادي نحبـــك http://www.ss14.com/vb/showthread.php?p=24458
________________________________________
عادي نحـــب..لكن موش عادي نحبـــك
أنت فوق كل حـب....كيف نديـــــــــــر؟

تحبي الصح؟ فهمتيني وفهمتـــــــــــك
أنت القلب هذا واســـــــع وكبيـــــــر

خليك كنزي..خليك في عيوني وضعتك
لولاك ماكنت راجل ..ما كنت نطيـــــر

من شفـــار عينيك بساط الريح عنـــدك
بعييييد مشيـــت ومازلت نمشي ونسير

أنا السلطــان..من يوم ما عرفتــــــــــك
بشهرزاد محظوظ...ما فيش تخيييــــــر

يكفيني غنـــا نشوفك وانت بصحتـــك
يكفينــي هنا... تعيشي لي بخيــــــــــــر

يكفيني جـــاه نعيـــش على نظرتـــــــك
يكفيني انت الشرف وعليك نغيـــــــــــر

كان الزمان ينسي..موش في قصـتـــك
قصتنـــا يا امــرأة ما لهــاش تغيير**تصحيح**

ربيع سعداوي
Admin

المساهمات : 146
تاريخ التسجيل : 19/01/2008

https://rabaisaadaoui.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى